أحمد السيد: مواليد نفس يوم «الخطيب ومارادونا».. هما خدوا قسم المهارات وأنا «التاكلنج» (فيديو)

قال أحمد السيد، مدافع الأهلي السابق، أنا وكابتن الخطيب ومارادونا مواليد نفس اليوم 30 أكتوبر، بس هما راحو قسم المهارات وأنا روحت قسم »التكالنج».

وأضاف السيد في تصريحات تليفزيونية عبر شاشة «إم بي سي مصر 2»: «أنا خريج قسم الضرب، ومن المواقف الطريفة كان بيني وبين أسامة حسني في الأهلي، في مرة اتزحلق على الكورة وهو دخل في ضلعي وكسره، ولما جالي كابتن الخطيب المستشفى قالي انت متأكد إن أسامة اللي ضربك ده لا بيهش ولا بينش، وانت ضارب نص مصر».

وأكمل: «مانويل جوزيه في الولاية الثانية، كنت اتطردت في ماتش الزمالك وهو كان بيسامح في أنك ممكن تلعب وحش ولكن مش بيسامح في الإهمال، وفضلت سنة كاملة ملعبش».

وأتم السيد: «كنت بلعب من الناشئين على مدار السنة، وكان بيطلع تقرير لـ جوزيه إني بعلب كويس، وده فرق إني لعبت السنة اللي بعدها أساسي وكنت كابتن الفرقة».