«أخر موسم مع الفريق».. تعليق مثير من إبراهيم سعيد على مستقبل نجم الأهلي

تحدث الإعلامي إبراهيم سعيد، عن موقف عمرو السولية نجم النادي الأهلي، مع المارد الأحمر، بعد موافقة مارسيل كولر المدير الفني على التجديد مع اللاعب.

وقال إبراهيم سعيد في تصريحات تليفزيونية عبر شاشة «النهار»: «عمرو السولية من اللعيبة الكويسة، وبيعمل مجهود كبير مع الفريق من وقت وصوله للأهلي».

وأضاف: «عامل السن بيخليني أقول إن ده أخر موسم لـ عمرو السولية مع الأهلي، دي سنة الحياة، زي متكلمنا قبل كدة مع عبدالله السعيد وشيكابالا وعلي معلول، في النهاية جيل بيسلم جيل».

وأردف: «عمرو السولية لعيب كبير وقائد، ولكن مش هتقدر تعتمد عليه بشكل كبير في 90 أساسي، ومش هيلعب أساسي».

وتابع: «هو هيقدر يضيف بتسديداته وبيلعب بدماغه كويس وقائد في الملعب ولكن في نص ساعة، مش أساسي خالص، وعجبني جدًا تمسك كولر باللاعب عشان هو مش بتاع مشاكل ولا تصريحات على السوشيال ميديا».