«إزاي ميشالاك ده يلعب عليه».. شوبير يشيد بنجم الزمالك الشاب
تغنى الإعلامي أحمد شوبير حارس مرمى الأهلي ومنتخب مصر السابق بنجم نادي الزمالك الشاب أحمد إيشو بعد تالقه مع الفريق الأبيض في بطولة الكونفدرالية الأفريقية.
وشارك أحمد إيشو لأول مرة مع الزمالك أفريقيا أمس في مباراة بلاك بولز الموزمبيقي في افتتاح دور المجموعات في البطولة الكونفدرالية وسجل الهدف الأول للزمالك.
وقال أحمد شوبير: «الحقيقة أنا معجب جدا بلاعب الزمالك إيشو، إزاي تفضل عليه لاعيب زي ميشالاك وتدفع فيه ملايين».
وتابع شوبير: «بصوا يا جماعة من غير زعل أكيد دماغك بتفضل تلف هو ليه مستويات الكرة في مصر بعيدة عن اللي بنشوفه في دوري أبطال أوروبا، المشكلة في العين اللي بتشوف، زمان كان عندنا الكشافين وكان الكشاف من دول يغيب يغيب ويطلع لك بصيد ثمين كان فيه العين الحلوة اللي بتعرف تختار لاعيب».
وأضاف شوبير: «من هنا هفضل أزن على الموضوع ده، لما يطلع لك لاعيبة كويسة زي اللي في منتخبي الشباب والناشئين دلوقتي ليه ما تديهمش فرص ويلعبوا ويستمتعوا أنتوا مصعبينها ليه على الناس افتحوا الشبابيك خلوا الولاد يخدوا فرصة ويلعبوا ويشاركوا».
واختتم حارس الأهلي السابق: «اللي عايز أقوله ليه الولاد بتوعنا بالنسبة للبعض وحشين، كنا زمان بنشوف الموهبة الصاعدة فاروق جعفر الشاب اليافع طه بصري الجناح الطائر مصطفى عبده رأس الحربة الخطير محمود الخطيب كل دول لعبوا أقل من 20 سنة والناس زمان كان عندها صبر عليهم وثقة في إنهم يدوهم الفرصة».
يذكر أن هذه الموضوع «إزاي ميشالاك ده يلعب عليه».. شوبير يشيد بنجم الزمالك الشاب قد تم نشرة علي موقع المصري اليوم وقد قام فريق التحرير في كورة جول بالتاكد منه وربما تم التعديل علية وربما قد يكون تم نقله بالكامل او الاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.
المصري اليوم