«الإدارة في مرمى النيران».. كيف تفاعلت جماهير الزمالك مع أنباء رحيل جوميز؟

تصدر اسم مجلس إدارة نادي الزمالك، برئاسة حسين لبيب، منصات التواصل الاجتماعي، بالتزامن مع تواتر الأنباء التي أفادت بإبلاغ جوزيه جوميز مدرب فريق كرة القدم بالنادي، الإدارة بنيته في الرحيل.

ويرصد «المصري اليوم» أبرز ما تم تداوله كرويًا على منصات التواصل الاجتماعي من خلال هاشتاج «#المصري_توك» ويمكنكم المشاركة به من خلال حساباتكم في «إكس وفيسبوك».

جوميز يوجه صدمة لـ الزمالك بسبب الفتح السعودي (خاص)

وكتب حساب يحمل اسم (Walid Sad): «بلغ الإدارة إنهم مش عارفين يجددوا لزيزو ولا جوميز وبيرجعوا فريق السله للسيدات. عيب نادى الزمالك لا يدار بهذه الطريقة مافيش مدير رياضى ولا مدير تعاقدات».

وكتب حساب يحمل اسم (Karim Huseein): «عليه العوض ومنه العوض يا كابتن الإدارة متأخرة أوي في كل الملفات للأسف».

وكتب حساب يحمل اسم (Samy Elsheikh): «هو إحنا النادي ده مكتوب عليه كده. ما ينفعش يحصل عندنا استقرار ثلاثة أيام ورا بعض».

وكتب حساب يحمل اسم (معتز منصور شاهين): «لو فعلًا اللي سمعناه صح يبقي ديه زي ما بنقول كده الضربة هتكون جامدة عليكم كمجلس إدارة وهتزعلوا من اللي هيحصل واللي هتشوفوه مننا، علشان لما ننزل كل يوم كل ساعة كل دقيقه جددوا للمدرب جددوا للاعيبة اللي عقودها هتخلص مش حلو السكوت والنوم لآخر لحظة لإن أي حد فيهم هيجيبوا عرض مغري هيمشي ويسيبك مش هيسمي عليك يبقي ولا استفدت منه ماديا ولا جددتله كمان. ادي يا مجلس أخرتها».