«الكل ضدك.. هتلعب كورة تاني ليه».. رسائل نارية من إبراهيم سعيد لـ نجم الأهلي

وجه إبراهيم سعيد، نجم الأهلي ومنتخب مصر السابق، رسائل نارية إلى إمام عاشور، لاعب خط وسط الفريق الأول لكرة القدم بالنادي الأهلي..

كان إمام عاشور، كتب عبر الاستوري الخاص به على إنستجرام: «أولًا كل الاحترام والتقدير لزمايلي ولكل منظومة الفريق من الكبير للصغير، وأنا بعتذر عن أي خطأ زعل حد مني، ومتقبل للعقوبة وده شيء طبيعي. لأن الفرق كبير أوي بين هنا وأي حتة تانية، للأسف فاكرين بالفبركة على السوشيال والتصريحات الكذب على لسان أخويا ممكن يأثروا على علاقتي بالأهلي وجمهوره.. ده مش هيحصل. أنا فخور بالأهلي وممتن جدًّا بدعم ومساندة جمهور الأهلي أعظم جمهور في الكون، وبإذن الله طموحاتي وأحلامي هتتحقق هنا في الأهلي».

وقال إبراهيم سعيد، في تصريحات تلفزيونية عبر فضائية «النهار»: «انت جاي تعتذر بعد ما الكل بقى ضدك، الكل فرمك جمهور وإعلام وصحافة».

وأضاف: «جمهور الزمالك كله ضدك، انت خسرت جمهور الزمالك وجمهور الأهلي ومنتخب مصر، انت هتلعب كورة تاني ليه؟ بعد كده روح العب في الدرجة الثانية، انت كده مبقتش لعيب كورة بقيت لعيب هاوي، انت كده بتضيع مستقبلك ومستقبل أسرتك، انت خسرت الزمالك وأهلي بنسبة 70% ومنتخب مصر.. هتلعب كورة ليه بقى؟ انت كده تلعب في الدرجة الثانية».

وأتم:«أتمنى انك تعيد حساباتك، ركز في الكورة بس، أتمنى أن ده يكون آخر درس ليك، لأنك لو اخطأت تاني مش هيبقى ليك وجود في النادي الأهلي هتتنسي وهتلاقي نفسك بتلعب في الدرجة الثانية وبتلعب في أندية شركات»