«اللاعبين مش صنايعية».. تعليق مثير من أيمن يونس على أزمة تجديد زيزو لـ الزمالك

علق أيمن يونس، نجم الزمالك السابق، على الأزمة المثارة مؤخرًا بشأن تجديد أحمد مصطفى «زيزو»، جناح الفريق الأول لكرة القدم بنادي الزمالك مع النادي الأبيض.

ومن المقرر أن ينتهي عقد زيزو مع الزمالك في نهاية الموسم الجاري، ويحق للاعب التوقيع لأي ناد آخر في شهر يناير المقبل.

وقال أيمن يونس في تصريحات إذاعية عبر «أون سبورت إف إم»: «والد زيزو كذب الخبر وقال انهم مطلبوش 100 مليون، احنا نظرتنا للعقود لازم تتغير مفيش لعيب بياخد فلوسه متكاملة، الزمالك هيشترط في العقد أنه ياخد بطولتين من 4 بطولات عشان ياخد عقده كاملًا».

وأضاف: «لو افترضنا أن زيزو طالب 100 مليون، فلازم الأندية الكبيرة يبقى عندها لعيبة كبيرة مينفعش تستغنى عنها وعلى سبيل المثال زيزو مع الزمالك».

وأكمل: «في نفس الوقت مينفعش لاعيبه تاخد فلوس وخلاص لمجرد أنها تمضي أو تلبس تيشيرت النادي فقط ده كلام هواه، في أندية عندها 30 لاعب وبتعتمد على 16 لاعب فقط طوال الموسم».

وأردف: «مينفعش نتعامل في الكرة المصرية على أن اللاعبين صنايعية بيقبضوا مبالغ كبيرة والباقي مبيلعبش، نظرتنا لـ صناعة العقود لازم تتغير واللي بيفهموا ياريت يفهموا».