«تضييع وقت».. تعليق مثير من إبراهيم سعيد على موقف زيزو مع الزمالك

علق الإعلامي إبراهيم سعيد، على موقف أحمد سيد زيزو نجم نادي الزمالك من التجديد مع الفارس الأبيض أو الرحيل للدوري السعودي.

وقال إبراهيم سعيد في تصريحات تليفزيونية عبر شاشة «النهار»: «بقالي 3 سنين بسمع عن مفاوضات مع زيزو، وهو ولا حسم موقفه من التجديد أو الرحيل عن الفارس الأبيض وده تضييع وقت».

وأضاف: «زيزو لعيب كبير جدًا ومميز، ولكن لازم يحسم موقفه عشان كدة بشتت نفسه وبيبقى مش مركز، فلازم يحسم موقفه عشان يبقى مركز مع الفريق».

وأكمل: «لو زيزو بيحب الزمالك زي ما بيقول يوافق على التجديد ويحسم الملف ده، عشان يصب كل تركيزه مع الفريق في المرحلة الجاية».

وأردف إبراهيم سعيد: «موضوع كل شهر بكلام الزمالك هيجدد مع زيزو وبعدين عرض نيوم السعودي ودلوقتي عرض الأخدود، الكلام مش هينفع لازم يقرر سواء هيفضل أو يرحل لأن الاستقرار هيفرق معاه جدًا».

وأكمل: «زيزو مستواه أحسن من كدة بمراحل وعنده كتير يقدمه للفريق وللمنتخب، فلازم يقرر هو شايف نفسه طموحه مع نادي الزمالك وهل هو مقدر ماديًا ومعنوياً ولا لأ».