«جاتله كرشة نفس وبالمستوى ده هيمشي».. إبراهيم سعيد يفتح النار على نجم الأهلي
فتح إبراهيم سعيد، نجم الأهلي السابق، النار على محمود عبدالمنعم «كهربا»، مهاجم الفريق الأول لكرة القدم بالنادي الأهلي، بعد المستوى الذي ظهر عليه في مباراة الاتحاد السكندري.
وانتهت مباراة الأهلي مع الاتحاد السكندري، بالتعادل الإيجابي بهدف لكل فريق في المباراة التي اقيمت بينهما مساء الجمعة، ضمن مباريات الجولة الثالثة من بطولة الدوري الممتاز
وقال إبراهيم سعيد، في تصريحات تلفزيونية عبر فضائية «النهار»،: «كهربا، ظهر بمستوى متواضع للغاية في مباراة الاتحاد السكندري»، مؤكدًا: «غياب وسام أبوعلى، كشف كهربا،
وأضاف: «كهربا، مش مركز ومش مستعد للمباراة، الناس بتقول كولر، ظلمه، كهربا هو اللي ظالم نفسه لأنه حاطط في دماغه إن كولر، مش بيحبه وهيمشيه في أخر الموسم»
وتابع: «بالمستوى ده مش هيكمل في الأهلي، أخره هيكون الموسم ده مع الفريق وممكن يرحل في يناير المقبل».
وواصل: «في كورة في الشوط الثاني، كهربا كان بيجري عليها كانت ناحية الشمال ورجع الكورة ليحيى عطية الله وبعدها رجع على ال18، وهو واقف كان (بينهج والنفس بتاعه مش شايله)، زي ما بيتقال كده (جاتله كرشة نفس)، وده بسبب الاسبرينت اللي عمله لأنه بعيد عن لياقته البدنية»،
وأوضح: «كولر، لن يعتمد على كهربا، في المباريات المقبلة بهذا المستوى المتواضع».
وأتم: «أنا مش عارف كهربا، هو عايز إيه! هل هو مكنش مركز في التدريبات الفترة اللي فاتت وعايز يوصل رسالة للجماهير أنه مظلوم وكولر ضده ؟».
يذكر أن هذه الموضوع «جاتله كرشة نفس وبالمستوى ده هيمشي».. إبراهيم سعيد يفتح النار على نجم الأهلي قد تم نشرة علي موقع المصري اليوم وقد قام فريق التحرير في كورة جول بالتاكد منه وربما تم التعديل علية وربما قد يكون تم نقله بالكامل او الاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.
المصري اليوم