«خطيئة كبرى».. مصطفى يونس يهاجم مجلس الخطيب بسبب إمام عاشور

شن نجم الأهلي الأسبق مصطفى يونس هجومًا حادًا على لاعب الفريق الحالي إمام عاشور، وذلك على خلفية الأزمة التي نشبت بينه وقائد الفريق محمد الشناوي.

وقال يونس في تصريحات خاصة لـ«المصري اليوم»: «إللي حصل ده خطيئة كبرى، والأهلي ارتكب أخطاء كتير، ومنها التعاقد مع إمام عاشور، لأن في فرق كبير بين لما تعتمد على لاعب من الناشئين وعارف مبادئك».

وأضاف :«إضافة إلى ذلك أن مستواه في النازل، ولما مستواه يكون في النازل لازم يقعد مش لما يتخانق أو يغلط في مدير الكرة يقعد، وكابتن الفريق».

وتابع:«إمام مشاكله كتير أوي، وإللي يقول أنه اعتذر، والقصة خلصت، أقوله لا يا حبيبي مفيش حاجة اسمها كدة، يبقي إللي يسرق أو يقتل بقا يروح يعتذر للمحكمة والدنيا تتخلص على كدة».

وواصل:«القصة كمان معايا الموضوع مش عقاب وبس، الموضوع مش ده الأهلي إللي يجيب لاعب سلوكه بالشكل ده، لاعب بتخانق مع مدير الكرة وكابتن الفريق».

وأوضح:«كابتن الفريق زيه زي المدير الفني بالظبط لأبد أن يحترم وتحترم تعليماته وقراراته، والشناوي عليه عبء كبير لأنه محتاج أنه يرواض الشحصية صاحبة السلوك ده».

وبسؤاله، عما إذا كان يرغب في رحيل إمام عاشورعن الأهلي؟، أجاب:«لا أنا مش مع هذا الكلام، لكن أتمني من لاعبي الأهلي الكبار ومدير الكرة والجهاز الفني أن يقومه سلوك إمام عاشور لأنه لاعب يمتلك إمكانيات عالية، لأن لو فضل على كده مستواه هيكون في النازل وده اللي حاصل».