«طول عمره بيلعب وينج».. أحمد ياسر ريان يقيم مستوى إمام عاشور مع الأهلي

قال أحمد ياسر ريان نجم النادي الأهلي السابق، ولاعب البنك الأهلي الحالي، إن إمام عاشور نجم المارد الأحمر لما جيه القلعة الحمراء كان في أعلى مستوياته، والسنة اللي فاتت كان أحسن لاعب في مصر.

وأضاف ياسر ريان في تصريحات تليفزيونية عبر شاشة «أون تايم سبورتس»: «الطبيعي جدًا أن أي لعيب يحصله تعثر في فترات ما، ولكن إمام عاشور لو قدر يتخطى الفترة دي هيرجع أحسن وأقوى من الأول بكتير».

وأكمل: «حاسس أن إمام عاشور عايز يرجع لمستواه، وهو دلوقتي كمان مستواه مش وحش زي ما البعض بيقول، بس الفكرة أنه عنده كتير يقدمه».

وأتم ياسر ريان تصريحاته قائلًا: «إمام عاشور طول عمره وأحنا صغيرين كان بيلعب وينج، معرفش أية اللي دخله نص الملعب بس بردو بيلعبها كويس أوي».