«عمري ما شوفت كده في الأهلي».. عبدالحفيظ يكشف لأول مرة تفاصيل خناقة كهربا والشناوي
كشف سيد عبدالحفيظ، مدير الكرة السابق بالفريق الأول لكرة القدم بالنادي الأهلي، تفاصيل خناقة محمود عبدالمنعم «كهربا»، لاعب الأهلي مع محمد الشناوي، حارس مرمى الفريق.
وقال سيد عبدالحفيظ، خلال حواره ببرنامج «ملعبنا»، المذاع عبر منصة «المشهد»: «الموضوع كان خناقة بين كهربا ومحمد الشناوي، كنا طالعين نتمرن ولاقينا صوت عالي جدًا جدًا وبشكل مكنش لطيف خالص ودي كانت من الحاجات الجديدة عليا في النادي الأهلي، عشان كدة العقوبة كانت كبيرة جدًا».
وأضاف: «مكنش ينفع الواقعة تمر مرور الكرام، وأنا كان عندي مبدأ خدته من الراحل ثابت البطل، وهو حق النادي فين، انتوا اتخانقتوا وأكيد هتتصالحوا لأنكم اخوات ولكن حق النادي فين».
وواصل: «كهربا، هو اللي كان غلطان في خناقته مع محمد الشناوي»، مضيفا: «خصمت لكهربا، مليون جنيه، لأني شوفت حاجة عمري ما شوفتها، المشهد كان غير لائق»
وأتم: «الخناقة لم تصل إلى الضرب، الشناوي، عشان قائد كويس الأمور لم تطور إلى أبعد من كده ولكن المنظر نفسه مش حلو»
يذكر أن هذه الموضوع «عمري ما شوفت كده في الأهلي».. عبدالحفيظ يكشف لأول مرة تفاصيل خناقة كهربا والشناوي قد تم نشرة علي موقع المصري اليوم وقد قام فريق التحرير في كورة جول بالتاكد منه وربما تم التعديل علية وربما قد يكون تم نقله بالكامل او الاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.
المصري اليوم