«عيب احترم تاريخي».. رد غاضب من وائل القباني على مسؤولي الزمالك لهذا السبب

أعرب وائل القباني نجم الزمالك السابق، عن غضبه من مسؤولي نادي الزمالك، بسبب طريقة إرسال الدعوة لـ حضور افتتاح متحف الزمالك اليوم السبت.

وقال القباني في تصريح تليفزيوني عبر شاشة «النهار»: «الزمالك دعى اللاعبين القدامى، ولكن مش هروح بسبب ظروف خاصة متعلقة بمرض أخي، ولكن الحقيقة في سبب آخر».

وأضاف: «رغم أن الزمالك عمل دعوة لحضوري، ولكن تم إرسالها عن طريق الواتساب مش شخص لا أعلمه، ومش مذكور اسمه وبالتالي دي مش دعوة».

وأكمل: «الطبيعي لما تيجي تدعو حد حتى لو بالطريقة دي، كان حد كلمني وبلغني أنه هيتم إرسالها على الوتساب، وبصراحة معجبتنيش الدعوة».

وواصل القباني: «ولا فيها مساء الخير ولا أزيك يا كابتن، هي كانت مجرد صورة ومفهاش اسمي حتى، ومش عارف ليه هما محسسين أن الواحد قليل».

وأردف: «أنا عمري مقولت أني واخد 12 بطولة مع الزمالك، وعمري مبتكلم على نفسي، في حين أن في ناس خدت بطولات أقل مني وواخدين حقهم بزيادة في النادي».

وأتم وائل القباني تصريحاته قائلًا: «الزمالك مبيقدرنيش، ومش بتكلم في شغل، بس على الأقل لما تيجي تبعتلي حاجة قدرني وتحترمني، عشان كدة عيب».