«فقد الاحترام».. مروان حمدي يفتح النار على سيد عبدالحفيظ

هاجم مروان حمدي، لاعب بيراميدز، سيد عبدالحفيظ، مدير الكرة السابق بالنادي الأهلي، على خلفية أزمة اللاعب مع جماهير الأحمر.

وكان مروان حمدي قد دخل في مشادة مع جماهير الأهلي، عقب نهاية مباراة الفريقين بالموسم الماضي، أعلنت مؤخرًا لجنة الانضباط إيقافه لـ 6 مباريات.

ورد مروان حمدي على تصريح سابق لـ سيد عبدالحفيظ قال عنه فيه «قليل الأدب»، قائلًا: «مش عارف أقول سيد ولا كابتن هو فقد الاحترام بالنسبالي وأنا هقول كابتن سيد».

وأضاف عبر قناة «صدى البلد»: «هو قال إني شخص قليل الأدب هو قال كدة عشان حصل مني رد فعل وأنا مقبلتش الشتيمة على وعلى أهلي وعملت رد فعل غلط».

وأكمل: «أنا بستأذن حسين الشحات إني هفتح موضوع الشيبي، لو يسمح لي أخده كمثال مش قصدي افتح الموضوع بس كان هو فين؟!».

وتابع: «كان فين كابتن سيد، مطلعش قال كدة، عايز أسال أنت المبدأ عندك ايه؟ على حسب الهوى والمصلحة؟ أنا عايز أعرف المبدأ عندك إيه، لو أنت حقاني وصاحب مبادئ ماتقول نفس الكلام ده».

وزاد: «أنا ممكن أقول يا كابتن سيد أنت اللي قليل الأدب بس أنا مش هعمل كدة».