«فين فتوة الدوري المصري».. شوبير ينتقد بيراميدز بعد الخسارة من الترجي

وجه الإعلامي أحمد شوبير حارس مرمى الأهلي ومنتخب مصر السابق انتقادات حادة لفريق بيراميدز والجهاز الفني للفريق السماوي بقيادة كرونوسلاف يورتشيتش بعد الخسارة أمام الترجي.

وخسر بيراميدز أمس بنتيجة 2-0 ضمن الجولة الثالثة من مباريات دور المجموعات في بطولة دوري أبطال أفريقيا.

اقرأ أيضًا: شوبير يطالب بمكافأة الشناوي بعد خسارة بيراميدز أمام الترجي

وقال أحمد شوبير في تصريحات إذاعية: «أنا مش عارف أيه اللي بيحصل لفريق بيراميدز في أفريقيا أيه الحدوتة معاه في دوري الأبطال، من حسن الحظ إن مجموعته سهلة ومش هيكون عنده مشكلة في التأهل وهيكون هو والترجي المتأهلين عن المجموعة».

وأوضح شوبير: «كمان في الجولة اللي فاتت بيراميدز اتعادل مع دجوليبا في مالي، ومن حسن حظه إن معندوش جمهور يثور ضد الفريق، ولولا الشناوي لكن خسر إمبارح 4 أو 5».

وأضاف شوبير: «مش هو ده بيراميدز الفتوة اللي بنشوفه في مصر، إمكانياته الفنية والمادية تقول إن هو أحسن من كده بكثير، عموما الجولة الجاية عنده الترجي هنا في مصر لو خسر هتكون مشكلة، عشان ممكن دجوليبا يكسب ساجرادا والمجموعة تتلخبط».

واختتم شوبير: «أنا مندهش جدا الحقيقة من أداء بيراميدز في البطولة الأفريقية وأرجو يعيدوا تنظيم الفريق من أول وجديد».