«لعب شوارع».. هجوم ناري من إبراهيم سعيد على نجم الأهلي

شن الإعلامي إبراهيم سعيد، هجوم ناري على نجم النادي الأهلي بيرسي تاو، بسبب مستوياته مع الفريق في المباريات الماضية، وعدم وصوله للمستوى المطلوب للتواجد داخل جدران القلعة الحمراء.

وقال إبراهيم سعيد في تصريحات تليفزيونية عبر شاشة «النهار»: «بيرسي تاو لعيب مزجنجي ومودي، لو موده حلو هتاخد منه أحلى أداء، ولما يبقى مضايق بيقلب لعب شوارع، والأهلي خد أفضل ما عند بيرسي تاو».

وأضاف: «معتقدش أن بيرسي تاو هيضيف أكتر من اللي قدمه، ووارد يرجع تاني لمستواه، وهنشوف هيقدم أية أمام أورلاندو يوم السبت».

وأكمل: «بس بيرسي تاو لما الغزالة عنده تبقى رايقة بيقدم مستويات جامدة، ولكن لو مقريف أو مضايق بيبقى لعب شوارع بيجري بالكورة في أي حته، وهو ممكن يكون عايز يثبت نفسه عشان يكون موجود مع الأهلي في كأس العالم للأندية».

وأتم إبراهيم سعيد تصريحاته قائلًا: «من الطبيعي والسهل جدًا أن بيرسي تاو يكون كويس في مباراة أورلاندو، بسبب فرق الإمكانيات، وأورلاندو مش أحسن حاجة فرقة عادية».