«متأسس غلط ومستاء من نفسه».. ميدو يفتح النار على نجم الزمالك

هاجم أحمد حسام «ميدو»، نجم نادي الزمالك السابق، مصطفى شلبي، جناح الفريق الأول لكرة القدم بالقلعة البيضاء.

وقال ميدو، في تصريحات تلفزيونية عبر فضائية «أون تايم سبورتس»: «مصطفى شلبي في محنة، لأنه بيلعب في مستوى عالي أوي وهو مش متأسس كويس».

وأضاف: «مصطفى شلبي كل 5 كرات يصل فيهم للمرمى، بيعمل منهم 4 غلط».

وتابع: «مصطفى شلبي بيصل للتلت الأخير وله تأثير ولكن اللقطة الأخيرة مفيش تأسيس فيها، في السن ده صعب يتطور».

وأتم: «اللقطات اللي بيظهر فيها مصطفى شلبي غضبان، بتبقى استياء من نفسه، هو شايف أنه ممكن يظهر بمستوى أفضل من المستوى الذي يقدمه».