«متستقلش بعقلنا».. إبراهيم سعيد يشن هجومًا لاذعًا على إمام عاشور بعد بيان إعتذاره

علق إبراهيم سعيد، نجم الأهلي ومنتخب مصر السابق، على بيان إعتذار إمام عاشور، لاعب خط وسط الفريق الأول لكرة القدم بالقلعة الحمراء.

كان إمام عاشور، كتب عبر الاستوري الخاص به على إنستجرام: «أولًا كل الاحترام والتقدير لزمايلي ولكل منظومة الفريق من الكبير للصغير، وأنا بعتذر عن أي خطأ زعل حد مني، ومتقبل للعقوبة وده شيء طبيعي. لأن الفرق كبير أوي بين هنا وأي حتة تانية، للأسف فاكرين بالفبركة على السوشيال والتصريحات الكذب على لسان أخويا ممكن يأثروا على علاقتي بالأهلي وجمهوره.. ده مش هيحصل».

وأتم: «أنا فخور بالأهلي وممتن جدًّا بدعم ومساندة جمهور الأهلي أعظم جمهور في الكون، وبإذن الله طموحاتي وأحلامي هتتحقق هنا في الأهلي».

وقال إبراهيم سعيد، في تصريحات تلفزيونية عبر فضائية «النهار»: «ستوري إمام عاشور، مش مفبركة محدش يقولي اتهكر، لأ أنت مش عيل صغير، انت معاك الأكاونت الخاص بيك في مواقع التواصل الاجتماعي وانت مسؤول عنها، مش بسهولة حسابك يتهكر، هي كلمة اتهكر بقت موضة أنا ممكن أشتم في إمام عاشور، وأقول حسابي اتهكر».

وأضاف: «متستقلوش بعقلنا، انت اخطأت واعتذرت، محدش يطلع يقول الأكونت اتهكر، مفيش حاجة فبركة»

وتابع: «انت أخطأت وكان مفروض تعتذر من يومين بدل ما الموقف بيكبر، انت بتخسر جمهور الأهلي»، مضيفًا: «ليه الإعتذار ده مكنش من اليومين، هو النت كان قاطع عندك، ما انت كل يوم بتنزل صور وستوري».