«مفيش تحقيق».. شوبير يوجه رسالة نارية بعد بيان الاتحاد ضد حكم مباراة الزمالك

وجه الإعلامي أحمد شوبير رسالة نارية إلى مجلس إدارة اتحاد الكرة برئاسة هاني أبوريدة بعد بيان نادي الاتحاد السكندري ضد حكم مباراة فريقه أمام الزمالك.

وخسر الاتحاد السكندري أمام الزمالك بنتيجة 2-0 وتقدم مجلس إدارة نادي الاتحاد أمس ببيان انتقد فيه الحكم وطالب بالتحقيق فيما تعرض له فريقه من ظلم على يد الحكم أحمد الغندور الذي أدار المباراة.

وقال أحمد شوبير: «نادي الاتحاد السكندري طالب بفتح تحقيق مع الحكم أحمد الغندور حكم مباراة فريقه الكروي الأول أمام الزمالك بسبب الظلم الذي تعرض له فريقه، بس أنا عايز أسأل ده البيان رقم كام من الأندية ضد التحكيم في مصر ولسه احنا في الأسبوع السابع».

وتابع شوبير: «الاتحاد عايز تحقيق، واتحاد الكرة مش هيفتح تحقيق، هيفتح تحقيق إزاي يعني، هو اللي بيحصل لجنة الحكام بتجتمع لو الحكم تمام تمام لو فيه أخطاء بتعاقبه بشكل غير معلن».

وأضاف شوبير: «أتمنى موضوع التحكيم ده يخلص وينتهي وأتمنى اتحاد الكرة يساعدنا شوية ويعمل لنا حاجات مش مألوفة يعني، هنفضل كل شوية بالونة ومش عارف خبير أجنبي جاي، هو فين ياعم يرد يقول لك أصل الكريسماس والدنيا والحدوتة، أنت من 3 جولات في الاتحاد كفاية عشان كنت تجيب الخبير، لو هتكمل بالمصريين قول هكمل بالمصريين إنما هتفضل تعشمني وفي الاخر مفيش حاجة لازم يكون فيه قرارات سريعة وحازمة».