«هنسيطك وكولر راضي».. سيف زاهر يعلق على احتفال إمام عاشور بطريقة زيزو

علق الإعلامي سيف زاهر، على احتفال إمام عاشور نجم النادي الأهلي بعد تسجيله هاتريك أمام فريق استاد أبيدجان الإيفواري، في المباراة التي انتهت بفوز المارد الأحمر بثلاثية مقابل هدف.

ونجح الأهلي في انتزاع فوزًا ثمينًا من نظيره استاد أبيدجان، في المباراة التي أقيمت على ملعب فيليكس هوفويت بوانيي، ضمن منافسات الجولة الخامسة من بطولة دوري أبطال أفريقيا، ليعتلي صدارة جدول ترتيب المجموعة برصيد 10 نقاط، مؤقتا، في انتظار نتيجة مباراة أورولاندو وشباب بلوزداد غدًا الأحد.

وقال سيف زاهر في تصريحات عبر قناة «أون تايم سبورتس»: «مع كل احتفال لإمام عاشور الناس بتقف عنده، مضيفًا:«عاوز أقول رسالة لإمام عاشور بإنه لاعب كبير جدًا ولكن ركز في الملعب فقط وسيبك من أي حاجه تانية، وعلى التسييط سبلنا إحنا الشغلانة دي».

وأضاف: «سيبك بقى من اللقطات والبلالين والزمامير والكلام دا كله، لأنها مش هتوصل لأي حاجه، وركز في الملعب وهتروح في حته تانيه، وعندك مستقبل كبير، وكولر راضي عنك».

وتابع: «الناس بتقول احتفاله النهاردة بتاع زيزو، أيوه احتفال زيزو وهو احتفل مع زيزو بالاحتفال ده كتير قبل كده وكل واحد بيهم احتفل بيه لوحده عادي».

وأتم: «لكن احتفاله اليوم مفيهوش أي حاجه خالص، ولكن إمام عاشور لازم يعرف إن بعد كده الكاميرا هتروح مع تسريحة شعره».