8 ملايين دولار؟ شوبير يكشف صدمة لجماهير الأهلي بسبب صفقة لم تكتمل

كشف الإعلامي أحمد شوبير عن صدمة لجماهير الأهلي، تتعلق بصفقة كبيرة لم تكتمل، وقال أحمد شوبير عبر «قناة الأهلي»: «الأهلي في 23 ديسمبر أنهى صفقة من العيار الثقيل ولكن بعد الأخبار والسوشيال ميديا، الناس زودت الرقم».

وأضاف: «بعدها الأهلي زود المبلغ بقيمة كبيرة مفيش غير نادي في مصر اشترى لاعب بالرقم ده قبل كدة، وبعدين تاني الكلام والسوشيال ميديا، فتفاجئ الأهلي بأن النادي طلب مبلغ أكبر ضعف المبلغ اللي الأهلي زوده».

وأكمل: «الأهلي قرر يوقف الكلام عن الصفقات، وقرر فرض السرية والكتمان، عشان كدة دائرة صغيرة فقط اثنين أو ثلاثة أقرب الأقربين حتى مش عارفين».

وزاد: «أنا حتى لما بسال باخد خطوط عريضة، وكولر مغلطش لما قال مجاليش تدعيمات هي مجاتش، لكن مش هنتكلم ولما نخلص صفقاتنا نتكلم. مش معقول اتفق على 2 مليون، تبقى 4 بعدها تبقى 8».